Stella ista sicut flamma corúscat,
et Regem regum Deum demónstrat:
Magi eam vidérunt,
et magno Regi múnera obtulérunt.

6 Gennaio
Ottavo delle Idi

Bianco. Domenica vacante. EPIFANIA DEL SIGNORE, doppio di prima classe con Ottava privilegiata di secondo ordine.

FESTA MOBILIA
in Epiphania Domini
post Evangelium Missae sollemnis
sic praenuntiantur

Novéritis, fratres caríssimi, quod annuénte Dei misericórdia, sicut de Nativitáte Dómini Nostri Jesu Christi gavísi sumus, ita et de Resurrectióne ejúsdem Salvatóris nostri gáudium vobis annuntiámus.
Die décima séptima Februárii erit Domínica in Septuagésima.
Sexta Mártii dies Cínerum, et inítium jejúnii sacratíssimæ Quadragésimæ.
Vigésima prima Aprílis sanctum Pascha Dómini Nostri Jesu Christi cum gáudio celebrábitis.
Trigésima Maji erit Ascénsio Dómini Nostri Jesu Christi.
Nona Júnii erit Festum Pentecóstes.
Vigésima ejúsdem Festum sacratíssimi Córporis Christi.
Prima Decémbris Domínica prima Advéntus Dómini Nostri Jesu Christi, cui est honor et glória, in saécula sæculórum. Amen.